നിരന്തര കുറ്റാവാളിയെ കാപ്പ ചുമത്തി നാട് കടത്തി. കോട്ടുവള്ളി , ഇലഞ്ഞിവേലിൽ വീട്ടിൽ എനോഷ് (26) നെയാണ് കാപ്പ ചുമത്തി ആറ് മാസത്തേക്ക് നാട് കടത്തിയത്. റൂറൽ ജില്ലാ പോലീസ് മേധാവി ഡോ. വൈഭവ് സക്സേനയുടെ റിപ്പോർട്ടിൻ്റെ അടിസ്ഥാനത്തിൽ എറണാകുളം റേഞ്ച് ഡി.ഐ.ജി തോംസൺ ജോസ് ആണ് ഉത്തരവിട്ടത്. 2020 വർഷം മുതൽ നോർത്ത് പറവൂർ, വരാപ്പുഴ പോലീസ് സ്റ്റേഷൻ പരിധികളിൽ കൊലപാതക ശ്രമം, കഠിന ദേഹോപദ്രവം, ദേഹോപദ്രവം, കവർച്ച, തുടങ്ങി നിരവധി കുറ്റകൃത്യങ്ങളിൽ ഉൾപ്പെട്ടയാളാണ്. ജൂലായിൽ കോട്ടുവള്ളി തിരുമുപ്പം റോഡിൽ ആറാട്ടുകടവ് പാലത്തിന് സമീപം മത്സ്യ വിൽപ്പന നടത്തുന്നയാളെ ആക്രമിച്ച് പരിക്കേൽപ്പിച്ച് 6000 രൂപ കവർച്ച ചെയ്തതിന് നോർത്ത് പറവൂർ പോലീസ് രജിസ്റ്റർ ചെയ്ത കേസിൽ പ്രതിയായതിനെ തുടർന്നാണ് നടപടി.