അടൂർ കൂരമ്പാല ഇളയ കുറുപ്പനയത്ത് വീട്ടിൽ ദിലീപ് (39) നെയാണ് തടിയിട്ടപറമ്പ് പോലീസ് പിടികൂടിയത്. 2017 ൽ വാഴക്കുളം ഭാഗത്തെ രണ്ട് വീടുകളിൽ മോഷണം നടത്തിയ കേസിലെ പ്രതിയാണ് ഇയാൾ. തുടർന്ന് പോലീസ് പിടികൂടി റിമാന്റ് ചെയ്തിരുന്നു. പിന്നീട് ജാമ്യം ലഭിച്ച ശേഷം ഒളിവിൽപോയി. പ്രത്യേക ടീം രൂപീകരിച്ച് നടത്തിയ അന്വേഷണത്തിലാണ് ഇയാൾ പന്തളത്ത് താമസിക്കുന്ന വീട് വളഞ്ഞ് സാഹസികമായി പിടികൂടിയത്. 
പതിനാറ് മോഷണ കേസിലേയും, ഒരു മയക്കുമരുന്ന് കേസിലും പ്രതിയാണ് ദിലീപ്. ഇൻസ്പെക്ടർ വി.എം.കേഴ്സൻ, എ.എസ്.ഐ അബ്ദുൾ റഹ്മാൻ, എസ്.സി.പി.ഒ മാരായ കെ.കെ.ഷിബു, വി.എസ്.ആനന്ദ് .സി.എം.കരീം, സന്ദീപ് കുമാർ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.