റൂറൽ ജില്ലയിൽ രണ്ട് നിരന്തര കുറ്റവാളികളെ കാപ്പ ചുമത്തി ജയിലിലടച്ചു.

 മലയാറ്റൂർ കാടപ്പാറ കൊമാട്ടിൽ വീട്ടിൽ അരുൺ (കുരുവി 26) വാഴക്കുളം ചേന്നാട്ട് വീട്ടിൽ സൻസൽ (കണ്ണൻ 21 ) എന്നിവരെയാണ് കാപ്പ ചുമത്തി വിയ്യൂർ സെൻട്രൽ ജയിലിൽ അടച്ചത്.ഓപ്പറേഷൻ ഡാർക്ക് ഹണ്ടിന്‍റെ ഭാഗമായി ജില്ലാ പോലീസ് മേധാവി വിവേക് കുമാർ സമർപ്പിച്ച റിപ്പോർട്ടിലാണ് നടപടി. .കാലടി പോലീസ് സ്റ്റേഷൻ പരിധിയിൽ കൊലപാതക ശ്രമം, കഠിന ദേഹോപദ്രവം ഉൾപ്പടെ പത്തോളം കേസുകളിലെ പ്രതിയാണ് അരുൺ. വാഴക്കുളം, മൂവാറ്റുപുഴ,രാമപുരം സ്റ്റേഷനുകളിലായി കൊലപാതക ശ്രമം ഉൾപ്പടെ ഏഴു കേസുകളിൽ പ്രതിയാണ് സൻസൽ. കഴിഞ്ഞ ഒക്ടോബറിൽ രാമപുരം സ്റ്റേഷൻ പരിധിയിൽ കൊലപാതക ശ്രമകേസിൽ പ്രതിയായതിനെ തുടർന്നാണ് ഇയാളെ കാപ്പ ചുമത്തി ജയിലിലടച്ചത്. ഓപ്പറേഷൻ ഡാർക്ക് ഹണ്ടിന്‍റെ ഭാഗമായി ഇതുവരെ 66 പേരെ കാപ്പ ചുമത്തി ജയിലിലടച്ചു. 42 പേരെ നാടു കടത്തി. വരും ദിവസങ്ങളിലും നടപടി തുടരുമെന്ന് എസ്.പി വിവേക് കുമാർ പറഞ്ഞു.