അശാസ്ത്രീയമായ റോഡ് നിർമ്മാണം മൂലം കൂവപ്പടി പഞ്ചായത്തിലെ തൊടാപറമ്പിൽ വെള്ളക്കെട്ട്.പൂപ്പാനി ഐമുറി റോഡിൻറെ നവീകരണ പ്രവർത്തനങ്ങളുമായി ബന്ധപ്പെട്ട് നടന്ന നിർമ്മാണങ്ങളെ തുടർന്നാണ് റിട്ടയേഡ് കൃഷി വകുപ്പ് ഓഫീസർ ആയിരുന്ന മാളിയേക്കൽ വീട്ടിൽ ജി ചന്ദ്രമോഹൻ ഇളയിടത്തിന്റെ വീട്ടിന് മുന്നിൽ വെള്ളക്കെട്ട് രൂപപ്പെട്ടത്.റോഡിൻറെ കുറച്ചുഭാഗം കോൺക്രീറ്റ് കട്ടകൾ പാകി ഉയർത്തിയതോടുകൂടിയാണ് വീടിനു മുന്നിൽ വലിയ രീതിയിലുള്ള വെള്ളക്കെട്ട് രൂപപ്പെട്ടത്.കാലവർഷം ആരംഭിച്ച തോടുകൂടി തുടങ്ങിയ വെള്ളക്കെട്ട് ഇതേവരെ മാറിയിട്ടില്ല.കാൽനടയാത്രയ്ക്ക് പോലും പറ്റാത്ത രീതിയിലാണ് ഗേറ്റിനു മുന്നിലും റോഡിൻറെ പകുതിഭാഗം വരെയും വെള്ളം കെട്ടിക്കിടക്കുന്നത്.ഈ ഭാഗത്ത് വാഹന അപകടങ്ങളും നിത്യസംഭവവുമായി മാറിക്കൊണ്ടിരിക്കുകയാണ്.വെള്ളം കെട്ടിക്കിടക്കുന്നത് ഒഴിവാക്കുന്നതിന് വേണ്ടിയുള്ള നടപടികൾ സ്വീകരിക്കുവാൻ അധികൃതർ തയ്യാറായില്ലെങ്കിൽ റോഡ് ഉപരോധിക്കുമെന്ന്തൊടാ പറമ്പ് പൗരസമിതി അറിയിച്ചു