നഗരത്തില്‍ തെരുവില്‍ കഴിയുന്ന, നിരാലംബരും നിരാശ്രയരുമായവര്‍ക്ക് കൊച്ചി നഗരസഭയുടെ നേതൃത്വത്തില്‍ നാളെ (16.06.2021) എറണാകുളം ടൗണ്‍ഹാളില്‍ വച്ച് കോവിഡ് വാക്സിനേഷന്‍ നല്‍കുന്നു. കോവിഡ് കാലത്ത് തെരുവില്‍ കഴിയുന്നവരുടെ കൂടി സുരക്ഷിതത്വം ഉറപ്പാക്കുക എന്ന ലക്ഷ്യത്തോടു കൂടിയാണ് വാക്സിനേഷന്‍ ആരംഭിക്കുന്നത്. മിറര്‍ എന്ന എന്‍.ജി.ഒ. സംഘടനയുടെ സഹകരണത്തോടുകൂടി തെരുവില്‍ കഴിയുന്നവരുടെ ലിസ്റ്റ് നഗരസഭ തയ്യാറാക്കിയിട്ടുണ്ട്. നാളെ രാവിലെ 10 മണിക്ക് ആരംഭിക്കുന്ന വാക്സിനേഷന്‍ എറണാകുളം എം.എല്‍.എ. ടി.ജെ. വിനോദ് ഉദ്ഘാടനം മേയറെ കൂടാതെ ജില്ലാ പഞ്ചായത്ത് പ്രസിഡന്‍റ് ഉല്ലാസ് തോമസ്, ജില്ല കളക്ടര്‍ എസ്. സുഹാസ്, ഡി.സി.പി. ഐശ്വര്യ ഡോങ്ക്റേ ഐ.പി.എസ്., ഡെപ്യൂട്ടി മേയര്‍ കെ.എ. അന്‍സിയ എന്നിവര്‍ മുഖ്യാതിഥികളായി പങ്കെടുക്കും.