കൂവപ്പടി ഗ്രാമ പഞ്ചായത്ത് കോവിഡ് പ്രതിരോധ പ്രവർത്തനങ്ങളുടെ ഭാഗമായി സമൂഹ അടുക്കള തുടങ്ങി. സമൂഹത്തിലെ ദുർബല ജനവിഭാഗങ്ങൾക്ക് സൗജന്യമായി ഭക്ഷണം നൽകുന്ന പദ്ധതിയിലൂടെ വിശപ്പ് രഹിത ഗ്രാമമായി കൂവപ്പടിയെ മാറ്റുകയാണ് ലക്ഷ്യം. കോവിഡ് രോഗം മൂലം കഷ്ടപ്പെടുന്ന വീടുകളിൽ ആഹാരം പാചകം ചെയ്യാൻ ബുദ്ധിമുട്ടുന്നവർക്കും രോഗവ്യാപന സാഹചര്യത്തിലെ നിയന്ത്രണങ്ങൾ മൂലം ഭക്ഷണം ലഭ്യമാകാൻ കഴിയാത്ത അർഹരായ ഒറ്റപ്പെട്ട് താമസിക്കുന്നവർക്കും ജനപ്രതിനിധികൾ വഴി ഭക്ഷണമെത്തിക്കും. സമൂഹ അടുക്കള പ്രസിഡന്റ് മിനി ബാബു ഉത്ഘാടനം ചെയ്തു. വൈസ് പ്രസിഡന്റ് ബേബി തോപ്പിലാൻ ,  സെക്രട്ടറി വി.എസ് സുരേഷ് ബാബു,  എന്നിവർ പങ്കെടുത്തു.