പാട്ടുകളും , വാമൊഴികളും സ്റ്റുഡിയോകളിൽ ഒരുങ്ങുകയാണ് . 

കണ്ടു പഠിക്കണം  ഇതാണ് കൃത്യമായ political ഹോംവർക്ക് .

Kറയിൽ,  Kഫോൺ , K സ്വിഫ്റ്റ് , AI ക്യാമറ , അങ്ങനെ അടിമുടി അഴിമതിയുടെ കരി പുരണ്ടു നിൽക്കുന്ന സംസ്ഥാന  സർക്കാരിനെ കഴുകി വെളുപ്പിക്കാൻ അണിയറയിൽ  കാലവർഷം എന്ന നാടകം ഒരുങ്ങുകയാണ് .

മഴ പെയ്യും മുമ്പേ ദുരിതാശ്വാസ പ്രവർത്തങ്ങൾക്ക് സജ്ജീകരണങ്ങൾ , പിരിക്കുവാനുള്ള ലിസ്റ്റ് എന്നിവയൊക്കെ   ഒരുക്കുന്ന തിരക്കിലാണ് സഖാക്കൾ . ബ്രാഞ്ച് മുതൽ സംസ്ഥാന തലം വരെ സമഗ്രമായ പദ്ധതികൾ . ഇടതുപക്ഷ ആഭിമുഖ്യമുള്ള ചാനൽ പ്രവർത്തകരുടെ രഹസ്യ ചർച്ചകൾ .

കണ്ണുനീർ കഥകൾ മുതൽ വീര ഇതിഹാസ നായകന്മാർ വരെ അണിയറയിൽ rehersal ലിലാണ് . ഡോ : വന്ദനാദാസിന്റെ ചിതയിലെ ചാരം മുതൽ 
ബ്രഹ്മപുരത്തെ വിഷച്ചാരം വരെ ഈ പ്രളയത്തിൽ  ഒഴുക്കിവിടുന്നത് ശ്വാസമടക്കിപ്പിടിച്ച് മലയാളികൾക്ക് കാണാം 

ഇടതുപക്ഷ മത്സ്യത്തൊഴിലാളി സംഘടനകൾ , ചുമട്ടുതൊഴിലാളികൾ , തൊഴിലുറപ്പുകാർ , യുവജന വിദ്യാർത്ഥി സംഘടനകൾ അങ്ങനെ എല്ലാവരും ചേർന്നൊരു പ്രളയാർദ്രകാലം .

ഒരു സ്വിച്ചിട്ട പോലെ നിലക്കും എല്ലാ സമര പരമ്പരകളും , ആരോപണങ്ങളും .

മഹാ കരുതലിന്റെ മനുഷ്യാവതാരമായി മുഖ്യമന്ത്രി പിണറായി വിജയൻ മാറാൻ ഇനി ദിവസങ്ങൾ മാത്രം.

മുഖ്യമന്ത്രിക്കും പാർട്ടി സെക്രട്ടറിക്കും വേണ്ടി location, dialogue, backgrounds എന്നിവക്കു വേണ്ടി ഒരു സംഘം യുവാക്കൾ പഠിച്ചും പഠിപ്പിച്ചും മുന്നേറുകയാണ് . 


ഇന്ന് വരെ സംഭവിച്ച എല്ലാ കറകളും അടുത്ത മൂന്നു മാസത്തിനുളളിൽ പ്രളയത്തിൽ  കഴുകി കളയും ,

വിശപ്പ് രഹിത തെരുവുകൾ ആർക്ക് പ്രതിഷേധിക്കാൻ കഴിയും ? 

 സൗജന്യ റേഷൻ , ദുരിതാശ്വാസ ക്യാമ്പിലെ വൈ ഫൈ, LED TV കൾ , കേന്ദ്ര സർക്കാറിന്റെ സഹായമില്ലാതെ ജനകീയമായ  സാമൂഹ്യ അടുക്കളകൾ , എല്ലാ മേളങ്ങൾക്കും ആവശ്യത്തിലേറെ പണം indirect ആയി പല വിധ കമ്മീഷനുകളിലൂടെ എമ്പാടും  അനുവദിച്ചുവിന്യസിച്ചു കഴിഞ്ഞു .

ഒരു വശത്ത്പൊളിഞ്ഞു വീഴുന്ന പാലത്തിലൂടെ കൈ കുഞ്ഞിനെ എടുത്ത് ഓടിയതു പോലെയുള്ള മനസ്സിൽ തട്ടുന്ന ദൃശ്യങ്ങളുടെ  റിഹേഴ്സൽ നടക്കുന്നു .

മറു വശത്ത് അരിക്കൊമ്പന്റെ കുഞ്ഞൻ ആനയെ  നീരൊഴുക്കിൽ നിന്ന് taskforce കരക്കുകയറ്റുന്നു .

മറ്റു പാർട്ടികളിലെ ചില ദേശീയ നേതാക്കളെ വീട്ടിൽ നിന്നും തല ചുമടിൽ കര പറ്റിക്കുന്നു .

തെരുവിൽ  സമരത്തിൽ തല്ലു  കൊണ്ടവനും , ചാനലിൽ സത്യം വിളിച്ചു പറഞ്ഞവരും എല്ലാം സ്വന്തം മുതുകിൽ വ്യദ്ധരെ ചുമന്നു നടക്കുന്ന യുവതയുടെ സഹായ  പെരുവെള്ളത്തിൽ ഒഴുകി അപ്രത്യക്ഷമാവുന്നു.

പ്രകൃതിയെ, കാലവർഷത്തെ ഇത്ര സമർത്ഥമായി ഉപയോഗിച്ച ഒരു സർക്കാർ ഇതിനു മുമ്പ് കേരളം ഭരിച്ചിട്ടില്ല .

സുനാമി വന്നപ്പോൾ കേവലം പണപ്പിരിവിൽ മാത്രമൊതുങ്ങിപ്പോയ യുഡിഎഫ് സർക്കാർ . ഇത്തരമൊരു രാഷ്ട്രീയ സാധ്യതയെക്കുറിച്ച് ചിന്തിച്ചിട്ടു പോലുമുണ്ടായില്ല .
കോവിഡ്
എന്ന മഹാമാരിക്കു മുമ്പിൽ ലോകം പകച്ചു നിന്നപ്പോൾ അതിലും ഡേറ്റ എന്ന കള്ളക്കച്ചവടം നടത്തുകയും, അന്യ സംസ്ഥാനക്കാർക്കും തെരുവുനായ്ക്കൾക്കും , കാക്കയും , പരുന്തിനുമെല്ലാം വിദ്യാർത്ഥി റേഷൻ ഉൾപ്പെടെയുള്ള ഭഷ്യ വസ്തുക്കൾ വെച്ച് വിളമ്പി  അതിസമർത്ഥമായി തന്നെ ജനങ്ങളെ വെളിച്ചത്ത് ഊട്ടി ഇരുട്ടത്ത്  ഉറക്കിയ രാഷ്ട്രീയ തന്ത്രം പിന്നെ നമ്മൾ കണ്ടത് പ്രളയത്തിനാണ് .

 സംസ്ഥാനം തന്നെ കടലെടുത്താൽ അതിലും ഒരു കരകണ്ടെത്തുന്ന രാഷ്ട്രീയ തന്ത്രങ്ങൾക്കു മുമ്പിൽ പ്രതിപക്ഷം എന്ന പക്ഷം മുങ്ങി പോവുന്ന കാഴ്ചകൾക്ക് തിരശീല ഉയരുകയായി  .