മണലിമുക്കിൽ വാടകയ്ക്ക് താമസിക്കുന്ന കനാൽ ബണ്ട് - നസ്രത്ത് റോഡിൽ രാജേഷ് നിവാസിൽ രാജേഷ് (കൊച്ചമ്മാവൻ രാജേഷ് 44 )നെയാണ് ആലുവ പോലീസ് പിടികൂടിയത്. ഈ കേസിൽ സുജിത്ത് എന്നയാളെ നേരത്തെ അറസ്റ്റ് ചെയ്തിരുന്നു. 2022 ഒക്ടോബർ 22 ന് ആണ് സംഭവം. ഷാപ്പിൽ നിന്നും മദ്യപിച്ചെത്തിയ പ്രതികൾ തായിസ് ടെക്സ്റ്റൈൽസിന്റെ മാനേജരെയാണ് മർദ്ദിച്ച് പണവും, വില കൂടിയ വാച്ചും കവർന്നത് . സംഭവശേഷം ഒളിവിലായിരുന്ന പ്രതിയെ കഴിഞ്ഞ രാത്രി അശോകപുരം ഭാഗത്ത് നിന്നുമാണ് പിടികൂടിയത്. ഇയാൾക്കെതിരെ ആലുവ സ്റ്റേഷനിൽ ഏഴ് കേസുകളുണ്ട്. ഇൻസ്പെക്ടർ എം.എം മഞ്ജു ദാസ് , എസ്.ഐ ജി അനൂപ്, സി.പി. ഒമാരായ കെ.എം മനോജ്, മാഹിൻ ഷാ അബൂബക്കർ, മുഹമ്മദ് അമീർ, എ.എം ഷാനിഫ് തുടങ്ങിയവരാണ് അന്വേഷണ സംഘത്തിലുള്ളത്