തുള്ളൽ പഠിക്കുന്ന വിദ്യാർത്ഥികൾക്ക് പഠിക്കാൻ പോകുന്ന കഥയും, കഥാസാരവും പുരാണങ്ങളും അറിഞ്ഞിരിക്കണം. താളം, ഭാവം, സംഗീതം, ചടുലത . മെയ് വഴക്കം. വേഷഭംഗി, അഭിനയം . എന്നിവ അത്യാവശ്യം അനിവാര്യം തന്നെയാണ്. ഇവയെല്ലാം യഥാവിധി വരൂത്തണമെങ്കിൽ രാവിലെ 4 മണിക്ക് എഴുന്നേറ്റ് നല്ലപോലെ സാധകം ചെയ്യണം. ആൺ കുട്ടികൾക്ക് മെയ് വഴക്കം ശരിയായ രീതിയിൽ വരണമെങ്കിൽ കച്ചകെട്ടി ഉഴിച്ചിൽ നടത്താറുണ്ട്. ശരീരത്തിൽ നല്ലെണ്ണ പുരട്ടി ഉഴിച്ചിലിന് മുമ്പ് കാൽ സാധകം (ഇരട്ടി വട്ടം ) മെയ് സാധകം (ചുഴിപ്പ് ) എന്നിവയ്ക്ക് ശേഷമാണ് ഉഴിച്ചിൽ നടത്തുക. തറയിൽ പായ വിരിച്ച് അതിൽ കിടത്തി കയ്യിന്റേയും , കാലിന്റേയും മുട്ടുകളുടെ അടിയിൽ ഓലത്തെ രിക വെച്ച് ചവിട്ടി ഉഴിച്ചിൽ നടത്തും (ശരീരത്തിൽ കയറി നിന്നാണ് ഉഴിച്ചിൽ നടത്തുക , തുള്ളൽ അഭ്യസിക്കുന്നതിന് കളരി എന്നു പറയും

സാധാരണ ജൺ ,ജലായ് , ആഗസ്റ്റ് . സപ്തംബർ മാസങ്ങളിലാണ് ഉഴിച്ചിൽ നടത്താറുള്ളത് രാവിലെ തന്നെ ചെയ്യേണ്ട മറ്റു പല സാധകങ്ങൾ. മെയ് സാധകം. കണ്ണ് സാധകം, പുരികം, കവിൾത്തടം, കൈ സാധകം തുടങ്ങി യ അഭ്യാസങ്ങൾ വേറെയുമുണ്ട്. കണ്ണിൽ വെണ്ണ നെയ്യ് ഇട്ടാണ് സാധകം ചെയ്യുക. കണ്ണ് വട്ടത്തിൽ, നീളത്തിൽ .മേൽഭാഗം 1 കിഴ് ഭാഗം ഇങ്ങനെ ദിവസവും ചെയ്യണം. കച്ചകെട്ടി ഉഴിച്ചിൽ  ഒഴികെ മറ്റെല്ലാ സാധകങ്ങളും പെൺകുട്ടികളുo ചെയ്യണം.

തുള്ളലിന്റെ മർമ്മപ്രധാനമായ സംഗീതം ശരിയായ രീതിയിൽ വരണമെങ്കിൽ രാവിലെ സാധകം ചെയ്യണം (സ്പത സ്വരങ്ങൾ , ഹാർമോണിയം, തംബുരു , ശ്രുതിപ്പെട്ടി ഇവയിൽ ഏതെങ്കിലും ......



കലാശ്രീ കലാ: വാസുദേവൻ