സാത്താൻസ് ഓൺ കൺട്രി .
പോലീസ് എഴുതുന്ന തിരക്കഥകൾ സിനിമ ആയാൽ ബോക്സോഫീസിൽ അതൊരു വൻ വിജയമായിരിക്കും .
അത്രയേറെ ഭാവനാവിലാസങ്ങളാണ് കേരളാ പോലീസിൽ നിന്നും മാധ്യമങ്ങൾ പകർത്തി പുറത്തെത്തിക്കുന്നത് .
നരബലി എന്ന ആശയം പോലും മികച്ചൊരു അപസർപ്പക ഭാവനയല്ലേ ?
പ്രബുദ്ധ കേരളം , സാക്ഷര കേരളം എന്നിങ്ങനെയുള്ള അങ്കഹാരങ്ങളെയെല്ലാം മുട്ടുകുത്തിച്ചില്ലേ ?
സാമ്പത്തിക , ലഹരി , സെക്സ് മാഫിയകളുടെ മൊഴികൾ പ്രതിയിൽ നിന്നും പകർത്തികൊണ്ടിരന്നപ്പോൾ അമ്പിളി മാമൻ വായിച്ച ചെറിയൊരു ഓർമ്മയെ ക്ലബ്ബ് ചെയ്ത് ഒരു FIR അങ്ങ് തയ്യാറാക്കി അത്ര തന്നെ .
റഫറൻസിനായി ഏറ്റുമാനൂർ ശിവകുമാറിന്റെയും , പി വി തമ്പിയുടേയും നോവലുകൾ ഈ സാറ് പലവുരു മറിച്ചു നോക്കി.
ഗുണം എന്താണ് അന്താരാഷ്ട്രാ മാധ്യമങ്ങളിൽ കേരളത്തിൽ നടന്നൊരു black magic ചൂടൻ വാർത്തയായി .
ഇനി മോദിക്കെന്നല്ല ഏത് ഉത്തരേന്ത്യൻ നേതാവിനും കേരളത്തെക്കുറിച്ച് അപഹസിച്ച് അറുമാദിക്കാം .
മറുപടി മിണ്ടാൻ പറ്റില്ല .
ഈ കോടതി സംവിധാനവും ഇങ്ങനെയൊക്കെ ആയിരുന്നോ ?
മുഖം മറച്ച് കൊണ്ടുപോകണമത്രേ.
പെരുമ്പാവൂർ സ്വദേശി പത്തനം തിട്ടയിൽ എന്നു പറയുമ്പോൾ ആ മുങ്ങി നടന്ന MLA യെ വരെ സംശയിക്കേണ്ടി ഇരിക്കുന്നു .
രണ്ടും പെണ്ണ് കേസാണ് .
നാളെയൊരു പോലീസുകാരൻ ഇതു രണ്ടും ക്ലബ്ബ് ചെയ്ത് ഒരു തിരക്കഥ തയ്യാറാക്കിയാൽ ....
ചാനലുകൾ മത്സരിച്ച് തകർത്ത് തരിപ്പണമാക്കും .
സഹോദരി ജിഷ കൊല ചെയ്യപ്പെട്ടു . അന്ന് ആദ്യം പോലീസ് തലയിൽ മുണ്ടിട്ടൊരാളെ ചാനലിൽ അവതരിപ്പിച്ചു .
ന്യത്താധ്യാപകൻ അറസ്റ്റിൽ ....
പിന്നീടറിഞ്ഞത് അതൊരു പോലീസുകാരൻ തന്നെയായിരുന്നുവെന്ന് .
പിന്നീട് രേഖാ ചിത്രം വരച്ചു കുറെ പാവങ്ങൾ അറഞ്ചം പുറഞ്ചം തല്ലുവാങ്ങിച്ചു .
ഒടുവിൽ DGP നേരിട്ടെത്തി രണ്ടു പ്രതികളുണ്ടന്ന് ഉറപ്പു വരുത്തുന്ന ശാസ്ത്രീയ തെളിവുകൾ പുറത്തുവിട്ടു . DNA വരെ .
ഒടുവിൽ ഏതോ ഒരു അന്യ സംസ്ഥാനക്കാരനെ ചെല്ലും ചെലവും കൊടുത്ത് കൊണ്ടുവന്ന് സുഖവാസത്തിന് വിട്ടു .
രേഖാചിത്രവും കൂട്ടു പ്രതിയും DNA യും അപ്രത്യക്ഷമായി .
പിന്നെ കുളിക്കടവ് , ആളൂര് , വാടക കെട്ടിടം അങ്ങനെയങ്ങ് പോയി .... രസമായിരിന്നു .
ഇതിനിടയിൽ ഗരുഡൻ തൂക്കം നേരിട്ട ഒരു ഹതഭാഗ്യനും ആത്മഹത്യ ചെയ്തു .
ലിംഗം മുറിഞ്ഞ സ്വാമി വരെ പോലീസിനെ വെല്ലുവിളിച്ച് കോടതിയിൽ നടുനിവർത്തി നിൽക്കുകയാണ് .
സംശയത്തിന്റെ പേരിൽ ഒരാളെ അറസ്റ്റു ചെയ്യുക പിന്നെ 40 പേർ ചുറ്റിലുമിരുന്ന് നാൽപ്പത് വിഷങ്ങളെഴുതി കൂട്ടി യോജിപ്പിച്ച് ഒരു തിരക്കഥയുണ്ടാക്കുക .
ഈ ആചാരമാണ് കേരളാ പോലീസ് .
ഒരു മുൻ DGP വരെ അപസർപ്പക കഥകളുമായി നവമാധ്യമങ്ങളിൽ വിലസുകയാണ് .
പ്രേതത്തെ വിളിച്ചു വരുത്തി പ്രതിയെ കണ്ടെത്തിയത്രേ .
പിന്നെയെങ്ങിനെ ഈ നാടു നന്നാവും ?
കൂടത്തായി കൊലപാതക പരമ്പരയും .
സരിതയും , സ്വപ്നയും മോൺസ് മാവുങ്കൽ എന്നു വേണ്ട ഇവിടെ വിറ്റുപോകുന്ന ചൂടൻ വാർത്തകൾ പലതിന്റെ പിന്നിലും പോലീസ് ഡിപ്പാർട്ടുമെന്റിലെ ലോഹിതദാസോ . ഡെന്നിസ് ജോസഫോ മാത്രമാണന്ന് പറയേണ്ടി വരും . കാരണം കോടതിയിൽ ഇതൊന്നും നിലനിൽക്കൊ തെ മൂടോടെ ഒഴുകിപ്പോവുന്ന കാഴ്ചകളാണ് നാം കാണുന്നത് .
എന്തായാലും വേണ്ടില്ല പ്രബുദ്ധരെന്ന് അഹങ്കരിച്ചു കൊണ്ട് ഇനി ഒരു മലയാളിയും ഒരു പോസ്റ്റും പ്രസവിക്കില്ല .
പിശാചിന്റെ സ്വന്തം നാടെന്ന വിളിപ്പേര് അതി വിദൂരമല്ല .M G SUNIL KUMAR